معكرونة بالدبش أميل

اليوم رح نعمل سوى معكرونة بالبشاميل على طريقتي طبعا هههههه المقادير سهلة كتير معكرونة يفضل الحلزون ونص كيلو لحمة مفرومة او صدر جاج حسب ما بتحبو وبهارات (فلفل اسود وابيض وفليفة حمرا وكمون وشوية كركم شوي كاري )وجبنة مبروشة ونص كيلو حليب و٦ملاعق زبدة و٦ملاعق طحين ومكعب ماجي اولا نسلق المعكرونة مع ملح ومنحضر اللحمة منحط على الغاز زبدة شوي وبعدان اللحمة والبهارات صحيح نسينا الثوم معن كمان ويكون مدقوق ناعم أو بهارات ومنحطها على جنب وبعدان البشاميل منحط الزبدة حتى تذوب وبعدان منحط الطحين دفعة وحدة ومنحرك بسرعة حتى يصير متماسك ولونها ذهبي بعدان منحط الحليب والماجي وملح وفلفل ابيض ومنحرك بسرعة حتى يصير متجانس البشاميل وهلق بعدما تسلق المعكرونة منصفيها من الماء ومنرجعها على الطنجرة ومنحط ملعقتان كبار بشاميل ومنحركن سوى مع المعكرونة ومنجهز صينية الفرن ومنحط شوي بشاميل بالأسفل  ثم طبقة المعكرونة ثم طبقة اللحمة وممكن وتخلطو اللحمة مع المعكرونة فبل حسب الرغبة وبعدان طبقة بشاميل وفوقها الجبنة المبروشة بتدخل الفرن مدة تلت ساعة وألف صحة

برنامج يومي للعروس

اليوم رح نحكي عن العروس وبالنسبة لترتيب حياتها من بدايتها مع شريك حياتها لازم من اول يوم ترتبي حياتك وتهتمي بكل شي فيكي وبالبيت وبزوجك لازم تبني مملكتك الخاصة على أسس وقواعد سليمة ومتينة حتى تحصلي على حياة سعيدة ومهما اختلف طباع الزوج او مستواه الثقافي او الاجتماعي بس بيضل رجل شرقي بالنهاية لهيك رح نبلش اليوم بأول حلقات البرنامج الطويل بالنسبة للعروس في تعاملها مع نفسها وبيئتها وزوجها اليوم رح نحط مجموعة نقاط رئيسية وبكل يوم رح نحكي عن شي بالتفصيل يعني بالمختصر رح نحكي عنك انت من لما بتستقيظي الصبح لحتى تنامي كيف لازم تهتمي بشكلك وبشرتك تيابك الخ الخ الخ                                                                                                                       اولا لما بتستقيظي الصبح لازم تعملي دوش سريع وتحطي مرطب او لوشن خفيف على جسمك وتفرشي سنانك هههه أكيد وتعملي برنامج العناية اليومية يلي كتبته سابقا وبعدان بتلبسي تياب خفيفة ناعمة مثلا بنتكار وكنزه ناعمة او فستان خفيف حلو يعني شي مريح بالبيت وبنفس الوقت اذا اجى حدى لعندك فجأة تكوني قادرة تستقبليه فيه المهم وبتبلشي ترتيب البيت وبعدان بتكوني انت اتحممتي ووجهك ما شاء الله عليه جاهز وتيابك مناسبة وبيتك جاهز وانت هلق مستعدة تروحي اي مشوار او تستقبلي اي حدى لوقت الغدا اليوم بيكفي لهون بكرى منتابع تكملة اليوم بس بحب لاقي تفاعل معي حتى أتشجع  اكتر 

جهاز بخار للوجه

اليوم شفت شي كتير منيح لالنا نحن البنات عند امازون لحتى نطبق العناية الأسبوعية للبشرة https://www.blogger.com/blogger.g?blogID=5690861389944336638#editor/target=post;postID=2508309495339486360;onPublishedMenu=allposts;onClosedMenu=allposts;postNum=12;src=postname.                                                               هي المدونة يلي كتبتها للعناية الأسبوعية بالبشرة وذكرنا فيها بخار للوجه لقيت اليوم عامل عرض كتير حلو لجهاز البخار كان 39,99وهلق صارhttps://www.amazon.de/dp/B002Q4TV76?tag=woman0b-21&camp=1410&creative=6378&linkCode=as1&creativeASIN=B002Q4TV76&adid=132AGM8153MX64WAD9YC&14,95شوفو على هال رابط وعطونا رأيكم فيه 

ملوخية سورية

اليوم رح نعمل ملوخية سورية وهي بتختلف عن الملوخية المصرية لانه أنا بشوفها بمصر عبارة عن شوربة وناعمة اما عنا غير شكل ههههه جربوها وأكيد رح تحبوها فأي امرأة لازم دائماً تجدد بحالها وبييتها وأولادها واكلاتها حتى تبقى بنظر عائلتها التوب يعني غير شكل منرجع للملوخية ومنبلش بالمقادير                                                                                           فروج ويفضل يكون كيلو صدر الجاج والكمية يلي بتناسبك ملوخية يابسة كزبرة خضرا وكزبرة يابسة وثوم وزبدة او زيت حسب الرغبة وملح وفلفل وماجي مكعب                                                                                                                اولا تسلق صدر الجاج مع بصلة وورق غار وقرنفل وملح وقرفة طبعا مؤ ضروري كلن تنان بيكفو ومنشيل الزفرة بس تتشكل بعدان منقطع الجاج المسلوق الى قطع صغيرة بالأيدي طبعا ومنحتفظ بماء السلق بعد تصفيته من البصل وووووووو.           منسلق الملوخية مع ماء شي ربع ساعة بعدان فورا منصفيها بمصفاي ومنغسلها فورا بماء بارد                                       هلق منبلش منحط زبدة وشوي زيت ذرة وثوم مطحون وبعدان كزبرة خضرا ويابسة ثم اللحمة ومنحركها حتى يتحمصو ثم منضيف قليل من الملوخية ومنحرك شوي حتى تتحمص وهيك كل شوي منضيف شوي ملوخية ومنحرك حتى نخلص بعدان منضيف شوي من ماء السلق وماجي ومنتركها شي ربع ساعة بعدان منضيف عصير ليمون حامض وثوم مدقوق ومنشيلها عن الغاز ونتركها على جنب شي عشر دقائق حتى تأخد طعمة الحامض صحيح يلي بيبقى من ماء السلق منطبخ فيه الرز وألف صحة وهنا 

غرف نوم اطفال

بعد ما حكينا عن المطابخ اليوم دور الأطفال زينة الحياة لازم ندللهم وخصوصا نحن هلق بزمن صار البيبي يلي عمره سنة بتحسه بيفهم عليك والولد من اول سنتين بيصير يقلك بدي هيك والعصر التغير والزمن والتكنولوجيا ماعاد فيك تضحك على ابنك بغرفة نوم عادية ههههه لهيك اخترنا لكم بعض انواع ولسى المرة الجاي في مجموعة تانية شوفو معنا

العناية باليدين

اليوم رح نحكي عم اليدين لانه متل ما منعرف هنن من الأعضاء بالجسم يلي بدن اهتمام كتير لأنن بيتعرضو للشمس والماء ولمساحيق الجلي والكلور وكل هالشغلات لهيك رح نخصصلن اليوم لالن ورح نبلش من الألف الى الياء اليوم رح نحكي عن العناية الأسبوعية او بالأحرى عناية العشر ايام ههههه اولا منحط على اليدين طبقة من زيت الزيتون ومنمسحن على كل الايدين ثم منحط ملعقة ملح خشن ومنفرك الايدين منيح فين حتى نعمل تقشير لمدة عشر دقايق بعدان منغسلن ومنحط أيدينا بوعاء فيه حليب وماء ورد وجليسرين وفاتر شوي يعني اذا عندك مايكرويف بيكون الموضوع كتير سهل ومنحط الايد الاولى ومنخليها بالحليب لمدة ربع ساعة وبعدان الايد التانية وآخر خطوة مندوب ملعقة زبدة مع ملعقة عسل وإذا مافي عسل مؤ مشكلة زبدة لحالها ومنمسح فيها الايدين ومنلبس كفوف وفوقها كلسات ومنشغل السيشوار فوقها حتى نحس الايدين عرقت بالكفوف وبعدان منغسلن ومنحط كريم مرطب وصدقوني احساس غير شكل وملمس غير شكل

ديكورات مطابخ أمريكية والأوروبية حديثة

بما انه عم نحكي اليوم عم الأكلات رح نبقى بنفس الموضوع ونقدملكم مجموعة من ديكورات المطابخ الأوروبية والأمريكية لها لسنة أتمنى تنال إعجابكم

لازانيا باللحمة

اليوم رح نحكي عن اللازانيا متل ما منعرف هي أكلة إيطالية بس هلق صارت مشهورة كتير بعالمنا العربي وللحقيقة هي كتير طيبة هي نوع من انواع المعكرونة ونوع من التغير بالنسبة إلنا نحن العرب عن أشكال المعكرونة المعروفة هو في نوعان إلها نوع مع لحمة ونوع بسبانغ بالنسبة للنباتيين يلي ما بياكلو لحمة وهي كتير بتبييض الوجه وخصوصا بالعزايم والمناسبات اليوم رح نحكي عن لازانيا اللحمة بالتفصيل ومن اختراعي وتجربتي الخاصة وانشالله المرة الجاي منحكي عن لازانيا السبانخ يلا منبلش بالمقادير                                                                                                                                  علبة معكرونة لازانيا وهلق رح حطلكم صورتها.      نص كيلو لحمة مفرومة او اكتر او اقل حسب أنتو ما بتحبو.        علبة بندورة قطع او أنتو بالبيت بتبشرو اربع حبات بندورة.     ملعقتين زيت زيتون او زيت زرة.     نص كوب بقدونس.   ربع كوب حبق     بصلتين.     علبة جبنة مبروشة.    مقادير البشاميل   نص كيلو حليب.       ٦ملاعق زبدة.    ٦ملاعق طحين.              الطريقة اولا تسلق اللازانيا بالماء والملح وثلاث نقط زيت زيتون لمنع الالتساق مع بعضها ونحركها على مهل به الوقت منعما خلطة اللحمة حتى مجهز كل شي مع بعضها ومنحضرها بلا ما تلتصق ببعضها بعد السلق المهم منحط على طنجرة على الغاز زيت الزيتون والبندورة والحبق والملح وبهارات حسب انتي ما بتحبي ومنخليها شي عشر دقائق حتى تصبح صلصة ناعمة بعدان منشيلها عن الغاز ومنضيف البقدونس ومنحركها ومنحطها على جنب وهلق دور الخلطة اللحمة منحط على الغاز زيت زيتون مع البصل شي خمس دقائق بعدان منضيف اللحمة والبهارات ومنتركها حتى تستوي اللحمة ومنحطها على جنب هلق دور البشاميل منحط الزبدة على النار حتى تدوب عال اخير وبعدان منحط دفعة وحدة الطحين ومنحرك بسرعة حتى تصبح كتلة لونها دهبي منضيف الحليب ومنضل نحرك حتى نحصل على البشاميل صحيح منضيف ملح وفلفل ابيض مطحون وفيكي تضيفي ماجي مكعب بيطلع كتير طيب وهلق صار كل شي جاهز اولا منحط على قاع صينية الفرن طبقة رقيقة من البشاميل وفوقها طبقة لازانيا مندون ما تترك فراغات وبعدها طبقة اللحمة وفوقها طبقة البندورة وشوية جبنة مبروشة وفوقها طبقة تانية لازانيا وفوقها طبقة لحمة وفوقها بندورة وفوقها وجبنة وفوقها لازانيا بعدان طبقة البشاميل وفوقها الجبنة ومندخلها الفرن حوالي عشر دقائق وصحة هنا. نصيحة اتركيها تبرد شوي قبل التقديم حتى تعطيكي شكل حلو بالتقطيع      

اليوم رح نعمل ماسك لبشرة الوجه كتير منيح ومجرب مني شخصيا يعني مافيني استغنى عنه بالمرة وخصوصا بالصيف هو صاير متل لوشن خفيف بيعمل البشرة فريش ورطبة دائماً وهو كتير سهل والكل فيه يعمله وبتكفيكي الكمية شي خمس ايام بالبراد ما بتخرب ويفضل انك تشيلي بالقطن مؤ بايدك.   ًًًًًًًًًً   والمقادير هي برش برتقالة مع برش حامضة منحركن ومنحطن على الغاز مع كاسة مي ومنتركن على الغاز حتى يبقى نص الكمية وريحته غير شكل بعدان منزله عالصحن بس منحط مصفاي بين الصحن والطنجر
حتى يصفى ومنضغط شوي علين حتى. نستفيد من كل. الخلاصة ومنتركن يبردون شوي وبعدان عال براد بالصيف يفضل نحطه بعد ما نرجع من الجامعة او الشغل او اي مشوار بالشمس ونكون فقدنا كتير من السواء من وجهنا وأكيد رح اعمل برنامج خاص ببشرتنا خلال الصيف      اما بالشتاء يفضل انه يكون مرة بالنهار ومرة قبل النوم وطريقته كتير سهلة اولا منغسل الوجه بعدان منمسحه بال لوشن مرة بالقطنة ومنستنى ثانية بعدان مرة تانية وكمان ثانية بعدان مرة تالتة وبعدان منتركه ربع ساعة وبعدان غسيل وإذا قدرتي تخليه وتنامي فيه كتير منيح هو شفاف يعني. مابيبين أتمنى انه يعجبكم وبنصحكم أنكم تجربوه

اكسسورارات العروس

اليوم رح نكمل عن العروس وبعد ما حكينا عن الفستان هلق دور الاكسسوارات وما بدي حدى يعتبرها شي ثانوي  او مش مهم بالعكس متل ما الفستان بيدل على ذوق العروس هاد كمان هلق عنا عدة عوامل لازم نأخذها بعين الاعتبار اولا موضة السنة يعني هذهالسنة مثلا دارج بلا عقد وحلق كبير او شكله كبير او صغير او او او حسب موضة السنة والعروس يلي.  تنتبه لهل نقطة هاد بيعكس للناس انها عصرية وبتابع الموضوع وغير شكل ثانيا شكل الفستان من فوق يعني اذا كان الفستان مفتوح كتير عند الصدر فلازم يكون العقد كبير وحجمه معبى منطقة الصدر والحلق صغير اما اذا كان الفستان مربوط بالرقبة فيفضل بلا العقد والحلق كبير ثالثا التناسق مع الفستان والورد أنا بنصحك نصيحة انه اذا بتحبي يكون الاكسسوارات فيها ألوان يفضل يكون من لون الورد مثلا اذا كنت بدك تجيبي ورد اخضر فيفضل انه يكون داخل بال اكسسورارات لون اخضر ناعم مثلا يكون لونه فضي وفيه كم حبة خضرا وإذا بتحبي الورد الأحمر كمان يكون داخل فيه اللون الأحمر وهيك هدول اهم نصاءح الاكسسوارات العروس أكيد لسى ما خلصنا نتابع لاحقا بس هلق خلينا نشوف مجموعة من الاكسسوارات اخترتلكم ياها من ألمانيا وأمريكا

حمص ناعم

رح نكمل كمان بالفطور وهلق رح نعمل حمص ناعم او مسبحة حسب كل بلد هيدا يعتبر فطور وكمان مقبلات للغداء مع المشاوي اولا المقادير.                                                                                                                                       حمص حب مننقعه قبل بيوم من المسا للصبح وبعد ان منسلقه مع ملح حتى يستوي او فينا نجيب علب حمص جاهزة وبعدان منحطه بالخلاط مع ملعقتين طحينية وتلت ملاعق لبن وكم سنن ثوم وحامض وملح وننشغل الخلاط شي عشر دقايق. وبعدان منحطه بالصحن ومنرش فوقه زيت زيتون ىمنزينه بالطريقة يلي منحب بقدونس او بمهارات او لحمة حسب الرغبة

مناقيش زعتر

رح نبقى بالفطور واليوم رح نحكي. عن اهم وأطيب أكلة بالفطور ما بتخيل حدى ممكن ما يحبها من الكبار للصغار وهي مناقيش الزعتر يلا جهزو حالكم ولياً للمقادير                                                                                                            كيلو طحين.        نص كيلو او اكتر شوي حليب او ممكن ماء بس الحليب يخليها طرية اكتر وأطيب            ظرف خميرة فورية.        ملعقة صغيرة ملح.       وملعقة كبيرة سكر                                                                                                هلق الطريقة اولا منحط الخميرة مع الحليب الدافي ونحركها حتى تدوب منيح بعدان منحط الطحين والسكر والملح بس ننتبه الحليب نحط شوي اول شي وآخر شي منزيد حتى نحس العجينة صارت منيحة ومنعجن كتير حتى تصير قطعة وحدة بعدان منجيب وعاء كبير ومنمسح القاع بشوية زيت ذرة ومنحط العجينة ومنضغطها شوي بعدان منشيلها ومنحطها على الوجه التأني حتى تكون صارت من الجهتين عليها زيت ومنلفها منيح بكيس ومنحط فوقها منشفة لانه كل سخنت بتنفخ اكتر ومنخليها ساعتين وكل ما تركناها اكتر بتخمر اكتر                                                                                                 وبعد ان منقسمها الى دوائر متوسطة على شكل طابة صغيرة وبعد ان مناخد كل طابة ومنفردها بالمشبك العجن حتى تأخذ شكل داءرة ومنحط فوقها زيت ممزوج مع زعتر منحط طبقة وهيك حتى تخلص الكمية منكون مجهزين صينية الفرن وراشين عليها زيت وطحين أو حاطين ورق زبدة للخبز وبعد ان عالفرن يلي لازم يكون ساخن شوي قبل ومنخليها فترة نص ساعة او ربع ساعة حسب الفرن يلي عندك بس تشوفيها أحمرت بتشيليها وبتتركيها شوي ترتاح وتبرد وبعد ان بتصير جاهزة للأكل وألف صحة وهنا وأي استفسار أنا جاهزة وهلق رح نشوف شكلها النهائي 

فساتين سهرة

اليوم جبتلكم مجموعة من فساتين السهرة اختارو على كيفكم وعلى حسابكم ههههههخلينا نشوف