اليوم رح نعمل ماسك لبشرة الوجه كتير منيح ومجرب مني شخصيا يعني مافيني استغنى عنه بالمرة وخصوصا بالصيف هو صاير متل لوشن خفيف بيعمل البشرة فريش ورطبة دائماً وهو كتير سهل والكل فيه يعمله وبتكفيكي الكمية شي خمس ايام بالبراد ما بتخرب ويفضل انك تشيلي بالقطن مؤ بايدك.   ًًًًًًًًًً   والمقادير هي برش برتقالة مع برش حامضة منحركن ومنحطن على الغاز مع كاسة مي ومنتركن على الغاز حتى يبقى نص الكمية وريحته غير شكل بعدان منزله عالصحن بس منحط مصفاي بين الصحن والطنجر
حتى يصفى ومنضغط شوي علين حتى. نستفيد من كل. الخلاصة ومنتركن يبردون شوي وبعدان عال براد بالصيف يفضل نحطه بعد ما نرجع من الجامعة او الشغل او اي مشوار بالشمس ونكون فقدنا كتير من السواء من وجهنا وأكيد رح اعمل برنامج خاص ببشرتنا خلال الصيف      اما بالشتاء يفضل انه يكون مرة بالنهار ومرة قبل النوم وطريقته كتير سهلة اولا منغسل الوجه بعدان منمسحه بال لوشن مرة بالقطنة ومنستنى ثانية بعدان مرة تانية وكمان ثانية بعدان مرة تالتة وبعدان منتركه ربع ساعة وبعدان غسيل وإذا قدرتي تخليه وتنامي فيه كتير منيح هو شفاف يعني. مابيبين أتمنى انه يعجبكم وبنصحكم أنكم تجربوه

اكسسورارات العروس

اليوم رح نكمل عن العروس وبعد ما حكينا عن الفستان هلق دور الاكسسوارات وما بدي حدى يعتبرها شي ثانوي  او مش مهم بالعكس متل ما الفستان بيدل على ذوق العروس هاد كمان هلق عنا عدة عوامل لازم نأخذها بعين الاعتبار اولا موضة السنة يعني هذهالسنة مثلا دارج بلا عقد وحلق كبير او شكله كبير او صغير او او او حسب موضة السنة والعروس يلي.  تنتبه لهل نقطة هاد بيعكس للناس انها عصرية وبتابع الموضوع وغير شكل ثانيا شكل الفستان من فوق يعني اذا كان الفستان مفتوح كتير عند الصدر فلازم يكون العقد كبير وحجمه معبى منطقة الصدر والحلق صغير اما اذا كان الفستان مربوط بالرقبة فيفضل بلا العقد والحلق كبير ثالثا التناسق مع الفستان والورد أنا بنصحك نصيحة انه اذا بتحبي يكون الاكسسوارات فيها ألوان يفضل يكون من لون الورد مثلا اذا كنت بدك تجيبي ورد اخضر فيفضل انه يكون داخل بال اكسسورارات لون اخضر ناعم مثلا يكون لونه فضي وفيه كم حبة خضرا وإذا بتحبي الورد الأحمر كمان يكون داخل فيه اللون الأحمر وهيك هدول اهم نصاءح الاكسسوارات العروس أكيد لسى ما خلصنا نتابع لاحقا بس هلق خلينا نشوف مجموعة من الاكسسوارات اخترتلكم ياها من ألمانيا وأمريكا

حمص ناعم

رح نكمل كمان بالفطور وهلق رح نعمل حمص ناعم او مسبحة حسب كل بلد هيدا يعتبر فطور وكمان مقبلات للغداء مع المشاوي اولا المقادير.                                                                                                                                       حمص حب مننقعه قبل بيوم من المسا للصبح وبعد ان منسلقه مع ملح حتى يستوي او فينا نجيب علب حمص جاهزة وبعدان منحطه بالخلاط مع ملعقتين طحينية وتلت ملاعق لبن وكم سنن ثوم وحامض وملح وننشغل الخلاط شي عشر دقايق. وبعدان منحطه بالصحن ومنرش فوقه زيت زيتون ىمنزينه بالطريقة يلي منحب بقدونس او بمهارات او لحمة حسب الرغبة

مناقيش زعتر

رح نبقى بالفطور واليوم رح نحكي. عن اهم وأطيب أكلة بالفطور ما بتخيل حدى ممكن ما يحبها من الكبار للصغار وهي مناقيش الزعتر يلا جهزو حالكم ولياً للمقادير                                                                                                            كيلو طحين.        نص كيلو او اكتر شوي حليب او ممكن ماء بس الحليب يخليها طرية اكتر وأطيب            ظرف خميرة فورية.        ملعقة صغيرة ملح.       وملعقة كبيرة سكر                                                                                                هلق الطريقة اولا منحط الخميرة مع الحليب الدافي ونحركها حتى تدوب منيح بعدان منحط الطحين والسكر والملح بس ننتبه الحليب نحط شوي اول شي وآخر شي منزيد حتى نحس العجينة صارت منيحة ومنعجن كتير حتى تصير قطعة وحدة بعدان منجيب وعاء كبير ومنمسح القاع بشوية زيت ذرة ومنحط العجينة ومنضغطها شوي بعدان منشيلها ومنحطها على الوجه التأني حتى تكون صارت من الجهتين عليها زيت ومنلفها منيح بكيس ومنحط فوقها منشفة لانه كل سخنت بتنفخ اكتر ومنخليها ساعتين وكل ما تركناها اكتر بتخمر اكتر                                                                                                 وبعد ان منقسمها الى دوائر متوسطة على شكل طابة صغيرة وبعد ان مناخد كل طابة ومنفردها بالمشبك العجن حتى تأخذ شكل داءرة ومنحط فوقها زيت ممزوج مع زعتر منحط طبقة وهيك حتى تخلص الكمية منكون مجهزين صينية الفرن وراشين عليها زيت وطحين أو حاطين ورق زبدة للخبز وبعد ان عالفرن يلي لازم يكون ساخن شوي قبل ومنخليها فترة نص ساعة او ربع ساعة حسب الفرن يلي عندك بس تشوفيها أحمرت بتشيليها وبتتركيها شوي ترتاح وتبرد وبعد ان بتصير جاهزة للأكل وألف صحة وهنا وأي استفسار أنا جاهزة وهلق رح نشوف شكلها النهائي 

فساتين سهرة

اليوم جبتلكم مجموعة من فساتين السهرة اختارو على كيفكم وعلى حسابكم ههههههخلينا نشوف 

العناية الأسبوعية للبشرة

اليوم رح نحكي عن العناية الأسبوعية للبشرة                                                                                                             هلق الشي يلي منتفق علينا كلنا هو انه البشرة النضرة المشرقة الخالية من الحبوب هو حلم كل بنت او صبية فينا لهيك لازم نتعب شوي عليها حتى يصير الحلم حقيقة لانه الشمس والهوا والجفاف ومستحضرات التجميل بيتعبو البشرة كتير فلازم نبدأ الأسبوع الجديد نحن وبشرتنا نكون فريش يلا سجلو معي.                                                                             اولا التقشير وهذا كتير ضروري ومهم لانه مهما عملتو ماسكات للبشرة مارح تعطي نتيجة بدون ما تقشرو الطبقة الميتة اولا لانه كلنا منعرف انه الجلد بيجدد خلاياه كل فترة وبالنسبة للتقشير عندك طريقتين اما بتشتري مقشر جاهز من السوق بس يفضل يكون بماركة تجارية معروفة او تعمليه بالبيت لحالك والوصفة كتير سهلة عبارة عن سكر وزيت زيتون للوجه وملح وزيت زيتون للجسم كله منحط اولا زيت الزيتون مسحة صغيرة بحيث نغطي المنطقة كلها بعدان منحط براحة الكف ملعقة صغيرة سكر ومنبلش بحركات دائرية بس بلطف للوجه لانه حساس                                                                                        هلق المرحلة التالية وهي التنظيف لازم نعمل بخار للوجه حتى نفتح المسام وبس نحط الماسك يعطي نتيجة فورا والبخار اذا عندك الجهاز الخاص كتير منيح وإذا لا كمان منيح بتحطي بطنجرة ماء وبتخليها تغلي وبتحطي فيها أعشاب متل البابونج او اي شي بتحبيه وضعي وجهك فوقه هلق في كتير عالم بيقلولك ضعي منشفة بس أنا ما بنصحك لانه رح يحرق الوجه وانتظري لمدة ١٠او١٥دقيقة وهلق وجهك صار جاهز للماسك                                                                                  اخيراً الماسك او تغذية البشرة لازم كل أسبوع تعملي ماسك مغذي للبشرة وفي انواع كتير بس أنا بنصحك يلي مجربته وعلى مسؤوليتي عبارة عم خيارة مبشورة ناعم او مطحونة مع ملعقتين طحين مع ملعقة جليسرين وهذا كتير منيح وعلى مسؤوليتي وانشالله كل فترة بنزلكم ماسكات حلوين متلكم                                                                                    وهيك منكون انتهينا بتمنى تجربون وتخبروني بالنتائج وأي استفسار أنا جاهزة لعيونكم 

فساتين الأعراس

• اليوم رح نحكي عن فساتين الأعراس طبعا كلنا بيعرف انه هي الليلة حلم كل أنثى من لما بتبلش تكبر بتصير تفكر وتخطط كيف رح تكون أميرة بعرسها وطبعا اهم شي الفستان بالاضافة طبعا للمكياج والشعر والمجوهرات بس بيضل الأهم الفستان وطبعا بتتغير الموضة من سنة لسنة بالأول كنا نشوف الفستان كتير معجق وفيه كتير خرز وشغلات مضوية بس مع الوقت عم يصير الفستان سمبل اكتر يعني بسيط بس أكيد كل وحدة وذوقها يعني بالمختصر فستان العرس بيضل حلو ومميز كيف ما كان موديله                                                                                                                                                     الشروط العامةللفستان.                                                                                                                             الجسم اهم شي لازم تختاري شكل الفستان بيناسب شكل جسمك واهم شي تهتمي بشكل الفستان من الناحية العلوية لانه رح يبين اكتر شي بالصور واكتب شي بيلفت انتبه مع موديل الشعر والأكسسوارات                             موعد الزيارة :لازم يكون الصبح ولازم تكوني مع أختك او أمك او رفيقة قريبة منك بس طبعا لانه كتر الناس معك رح يخليكي تخجلي وماتشوفي الفستان منيح وشغلة تانية بتضيعي لانه كل وحدة بتعطيكي رأيها وهي ما بتحبي تخجليها وهي ما اتفقت معك بالرأي يعني صرعة لهيك خليكي أنت ووحدة بيهمك رأيها وبتعرفي انه بتنصحك  منقلبها                                                                                                                                              خدي وقتك بالبحث يعني لا تستعجلي لانه هي اول مرة بتجربي فستان زفاف لهيك أكيد لسى ما بتعرفي شو بيناسب جسمك اكتر يعني خليكي عم تجربي حتى يلي بتختاريه بالأخير تكوني واثقة منه ١٠٠٪.                                                            هلق رح نشوف فساتين موضة السنة والمرة الجاي منكمل المجوهرات والشعر وهالقصص يلا نشوف سوى 
  
  
  
  
  
  
  
  
  
  
  
  
  
  
  
  
  
  
  
  
  
  

الفطور الغربي

واليوم كمان منتابع بالفطور بس اليوم رح نحكي عن الفطور الغربي يلي بيتختلف عن الفطور عنا هنن فطورن خفيف نطيف عبارة عن كروسون او سمون ومربى وشوكولا دهن وعصير وقهوة وفواكه وكورن فلكس هلق من ناحية النوعية نفسها بس بتختلف بطريقة التقديم والأكل

التسقية

اليوم رح نكمل عن الفطور السوري واللبناني في آكلات مهمة بتميزن وهي الفول المدمس والحمص والمسبحة والفلافل والفتة او متل ما بيسميها الشوام التسقية هي من اهم انواع الفطور يوم الجمعة تحديدا يعني السوريين بشكل عام ما بيتخيلو يوم الجمعة يمر بلاها وهي مكوناتها كتير سهلة حمص منقوع قبل بيوم وخبز عربي وطحينية ولبن وثوم وسمنة اول طبقة بتكون خبز عربي مقطع مربعات وإذا حبيتو حمصوه بالفرن منحطه اول طبقة ومنحط معه شوي من مرقة الحمص ومنحركن سوى بعدان منحط طبقة الحمص الحب المسلوق وفوقها منكون خلطنا الطحينية مع اللبن والثوم والملح ومنحطها طبقة تالتة وفوقها منكون حطينا السمنة على النار حتى تدوب او تفقس ههههه ومنحطها فوقها او التزيين حسب الذوق ممكن يكون بقدونس مفروم وفليفة حمرا او حمص ولحمة مفرومة او مكسرات وصحة وهنا

الفطور السوري واللبناني

كيفكم اليوم اليوم رح نحكي عن الفطور طبعا كل بلد اله عاداته ومنها الفطور مثلا منلاقي اختلاف بين العرب والغرب وكمان بين كل دولة عربية بس أكيد الفطور السوري واللبناني. غير شكل بدون تحيز هههههه مثلا